macron

     फ्रान्समा करीब एक महिना अगाडी सरकारले घर भाडा भत्ता ( APL ) घटाउने निर्णय गरेको थियो | प्रति महिना प्रति परिवार पाँच युरो भत्ता कम गर्ने सरकारको निर्णयको बिरुद्दमा संसद, सडक, मेडीया, सामाजिक संजालहरुमा एक महिना देखि ब्यापक बिरोध भइरहेको छ | भुतपुर्वक राष्ट्रपति लगाएत सबै वामपन्थी नेताहरुले सरकारको यो निर्णयको बिरोध गरेका छन | बिद्यार्थीहरु तथा कम आय भएका समुहको पक्षमा काम गर्ने संस्थाहरुले यो निर्णय फिर्ता लिनु पर्ने माग गरिरहेका छन |

अनौठो कुरा के छ भने यति ठुला हङ्गामा मच्चाएको यो रकम अतिनै सानो रकम हो | एउटा बेरोजगार परिवारले प्रति महिना औसत १५०० युरो भत्ता प्राप्त गर्छ | यति ठुलो रकममा प्रति महिना पाँच युरो भत्ता घटाउदा बिपक्षीहरुले आफ्नो सम्पूर्ण सक्ति लगाएर बिरोध गरिरहेका छन | पारिश्रमिकसँग तुलना गर्दा यो रकम केवल सबै भन्दा तल्लो तहका श्रमिकको केवल आधा घण्टाको ज्याला हो |

लामो बिरोधपछि राष्ट्रपतिले यस बिषयमा आफ्नो प्रतिक्रिया दिएका छन | राष्ट्रपतिले आवाशहरु बाहालमा लगाइरहेका घरधनिहरुलाई प्रतिमहिना प्रति आवाश पाच युरो भाडा कम गर्न सार्वजनिक अपिल गरेका छन |